Abşeronda sərxoş gənc küçədə maşını qaçıraraq qəza törətdi

Abşeron Rayon Məhkəməsində avtomobil qaçırmaqda təqsirləndirilən Rafiq Əsədovun (şərti) cinayət işi üzrə məhkəmə istintaqı yekunlaşıb.
Pravda.az xəbər verir ki, hakim Cəmilə Səfiyevanın sədrliyi ilə keçirilən prosesdə hökm oxunub. Məhkəmənin hökmü ilə cinayət işinə xitam verilib və o, cinayət məsuliyyətindən azad edilib. Təqsirləndirilən şəxs barəsində seçilmiş polisin nəzarəti altına vermə qətimkan tədbiri xitam olunub.
İttihama görə, hadisə 8 avqust 2023-cü il tarixdə, saat 18 radələrində Abşeron rayonu, Mehdiabad qəsəbəsi ərazisində qeydə alınıb.
Belə ki, rayon sakini, 2002-ci il təvəllüdlü Rafiq Əsədov sərxoş vəziyyətdə zərərçəkmiş Tahir Məmmədova (şərti) məxsus evin qarşısında saxlanılmış sonuncunun etibarnamə əsasında idarə etdiyi VAZ-21063 markalı avtomobilinin qapısının açıq və açarının maşının saxlanc yerində olduğunu görüb. O, bundan istifadə edib sükan arxasına əyləşib, nəqliyyat vasitəsini sürərək qaçırıb. Daha sonra Rafiq həmin maşını Mehdiabad-Pirşağı yolu ilə idarə edərkən müxtəlif maneələrə vurub. Nəticədə zərərçəkmiş Tahir Məmmədova 500 manat dəyərində ziyan dəyib.
Hadisədən sonra Rafiq Əsədov saxlanılıb və barəsində Cinayət Məcəlləsinin avtomobil və ya başqa nəqliyyat vasitəsini talama məqsədi olmadan qanunsuz ələ keçirmə (qaçırma) maddəsi ilə ittiham irəli sürülüb.
Bir gündə 3 avtomobil sıradan çıxdı: Sakinlər AAYDA-dan narazıdır - VİDEO
Aeroport yolunda AĞIR QƏZA - VİDEO
Bakıda ağır qəza: ÖLƏN var
Binəqədidə AĞIR QƏZA: İki avtomobil toqquşdu - VİDEO
Hövsanda daha bir qəza: İki avtomobil toqquşdu - VİDEO
Milli Qəhrəmanın oğlu qəzaya düşdü - TƏBİB-dən AÇIQLAMA
Saray körpüsündə 3 maşın bir-birinə çırpıldı – Xəsarət alan var - VİDEO
Bakıda “Tesla” işıq dirəyinə çırpılıb əks yola çıxdı - VİDEO
Qaxda ağır qəza: Dörd yeniyetmə xəsarət aldı - YENİLƏNİB
Hövsanda qəza: Maşının buferi qopub mağazanın şüşəsini sındırdı - VİDEO
Yük maşını 12 yaşlı velosipedçini vurub ÖLDÜRDÜ











