Ağdaşda ölümlə nəticələnən dəhşətli qəzanın görüntüsü yayıldı - VİDEO

Ağdaş rayonunun Əmirarx kəndi ərazisində Əkbər Süleymanovun idarə etdiyi 99-XS-940 dövlət nömrə nişanlı “Mercedes Atego” markalı yük avtomobili qarşısında hərəkətdə olan “KamAZ”a çırpılıb. 
Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Belə ki, hərəkətdə olan 99-XS-940 dövlət nömrə nişanlı “Mercedes” markalı yük maşını “KamAZ”la toqquşub. İddialara əsasən, qəzaya səbəb yüksək sürət həddi olub. Nəticədə sükanı buraxan sürücü “KamAZ”ı yük maşınına çırpıb. Hadisə zamanı hər iki nəqliyyat vasitəsinə ciddi maddi ziyan dəyib. 
Qəza nəticəsində “Mercedes”də sərnişin qismində olan Bakı şəhər sakini, 1976-cı il təvəllüdlü Elşən Qocayev aldığı xəsarətlərdən ölüb.

Nərmin