Ağır qəza: Avtomobil “BMW” ilə toqquşaraq yoldan keçən piyadanı vurdu - DİN-dən AÇIQLAMA - VİDEO

Bərdədə ağır yol-nəqliyyat hadisəsi baş verib.
Avtosfer.az-ın məlumatına görə, qəza fevralın 1-i saat 13:30 radələrində qeydə alınıb. Belə ki, hərəkətdə olan “VAZ-2108” markalı maşın “BMW” markalı avtomobillə toqquşub. İddialara əsasən, qəzanın baş verməsində səbəbkar "VAZ" sürücüsü olub. Nəticədə bir-birinə çırpılan hər iki nəqliyyat vasitəsi yararsız hala düşüb. Sürücülər arasında xəsarət alan olmayıb.
Baş Dövlət Yol Polisi İdarəsinin inspektoru Elvin Hacıyev Avtosfer.az-a bildirib ki, qəzaya səbəb "VAZ"ın sürücüsünün manevr qaydasını pozması olub. Həmçinin DİN rəsmisi hadisə zamanı yoldan keçən piyadanın yüngül xəsarət aldığını və ambulator müalicədən sonra evə buraxıldığını əlavə edib.

Qeyd edək ki, qəzayla bağlı təhqiqatlar davam edir.

Nərmin