Ara məsafəsi saxlamayan “Opel”, “Hyundai” və “Prius” bir-birinə çırpıldı - VİDEO

Paytaxtda zəncirvari qəza baş verib.
Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Videodan göründüyü kimi, “Toyota Prius”, “Opel” və “Hyundai” markalı avtomobillər toqquşub. İddialara əsasən, qəzaya səbəb nəqliyyat vasitələrinin ara məsafəsi saxlamaması olub. Nəticədə onlar bir-birinə çırpılan üç avtomobilə maddi ziyan dəyib. Sürücülər arasında xəsarət alan olmayıb. Baş vermiş qəzayla əlaqədar yolda bir müddət sıxlıq yaranıb.
Qeyd edək ki, hadisəylə bağlı əraziyə DYP əməkaşları cəlb olunub. Faktla bağlı araşdırma aparılır.  

Nərmin