Avtobus dağdan aşıb: Ölənlər var - FOTO

Meksikada avtobus dağlıq ərazidə aşaraq qəzaya uğrayıb. Avtosfer.az Oxu.az-a istinadən xəbər verir ki, hadisə nəticəsində 8 nəfər həlak olub, 19 nəfər yaralanıb. Qəza Verakrus ştatının şərqində, Sontekomatlan ərazisində baş verib. Avtobus 180 metrdən çox hündürlükdən yerə düşüb. Hökumət orqanlarının məlumatına görə, qəza zamanı avtobus sərnişinlərlə dolu olub. Onların çoxunun Milad tətili üçün evlərinə getdiyi güman edilir. Ölənlər arasında həm böyüklər, həm də uşaqlar var. Qəzadan dərhal sonra genişmiqyaslı xilasetmə əməliyyatı başlayıb. Yaralılar xəstəxanalara yerləşdirilib və tibbi yardım alırlar. Qəzanın səbəbi hələ müəyyən edilməyib, araşdırma davam edir.