Avtobus sürücüsü iki “VAZ”ın arasından keçib qəza törətdi - ANBAAN VİDEO

Şəmkirdə baş vermiş qəza anbaan təhlükəsizlik kamerasına düşüb.
Avtosfer.az-ın məlumatına görə, hadisə aprelin 9-u saat 09:58 radələrində qeydə alınıb. Videodan göründüyü kimi, hərəkətdə olan sərnişin avtobusu, “Niva”və “VAZ-21011” markalı avtomobillərlə toqquşub. Belə ki, yolun hərəkət hissəsinə çıxan “011” sürücüsü ötmə əməliyyatını icra edən avtobusu görür. Bu zaman o, manevr edərək maşını yolun kənarına sürməyə cəhd edir. Lakin qəza qaçılmaz olur. Avtobus avtomobillərin arasından hərəkət edərək qəza törədir. Hadisə nəticəsində hər üç nəqliyyat vasitəsinə maddi ziyan dəyib. 

Nərmin