Avtobus yük maşını ilə toqquşdu – 19 turist xəsarət alıb

Şri-Lankada rusiyalı turistləri daşıyan avtobus qəzaya uğrayıb, sürücü həlak olub.

Avtosfer.az xəbər verir ki, bu barədə yerli “Adaderana” xəbər portalı məlumat yayıb.

Qəzada 19 nəfərin xəsarət aldığı bildirilir. Yaralılar yerli xəstəxanaya yerləşdiriliblər.

Məlumata görə, avtobus sement daşıyan yük maşını ilə toqquşub.

Qəza zamanı avtobusda təxminən 30 rusiyalı turistin olduğu bildirilir.