Avtobus zolağına girən sürücü qəza törədib qaçdı - VİDEO

Bakıda yol hərəkəti qaydasını pozan sürücü qəza törədərək hadisə yerindən yayınıb. Avtosfer.az xəbər verir ki, hadisə yanvarın 25-də, paytaxtın Abbas Mirzə Şərifzadə küçəsində baş verib.

Belə ki, 77-XJ-719 qeydiyyat nişanlı "VAZ" markalı avtomobilin sürücüsü avtobus zolağına daxil olaraq qaydaları pozub. Həmin zolaqda hərəkət edən sürücü daha sonra sol zolağa keçmək istəyib. Bu zaman, digər avtomobilə yol verməli olduğu halda, əksinə, həmin avtomobili sıxışdırmağa başlayıb.

Görüntünü qeydə alan avtomobilin yol vermədiyini görən zaman mübahisəyə başlayan sürücü qəzəblənərək qəza törədib. O, hadisə yerini tərk edərək hərəkətinə davam edib.

Könül Rauf