Avtobusla yük maşını toqquşdu: 5 ölü, 8 yaralı

"Pavlovski rayonunda baş vermiş qəza nəticəsində avtobusun 8 sərnişini xəsarət alıb. Onlardan ikisi azyaşlı olub", - məlumatda deyilir.

Bundan əvvəl altı nəfərin öldüyü bildirilirdi.

Qeyd edək ki, iki sərnişin və avtobusun sürücüsü, həmçinin yük maşınının sürücüsü və sərnişini olmaqla 5 nəfər həlak olub.

***

Rusiyanın Krasnodar diyarında avtobusun iştirakı ilə beş nəfərin ölümü, səkkiz nəfərin yaralanması ilə nəticələnən yol-nəqliyyat hadisəsi baş verib.

Moskvadan Nalçikə hərəkət edən “Neoplan” avtobusu “Hyundai” yük avtomobili ilə toqquşub.

İlkin məlumata görə, avtobus sürücüsü sükan arxasında yuxulayıb və qarşıdan gələn nəqliyyat vasitəsinin yoluna çıxıb və orada yük maşını ilə toqquşub.

Hadisə yerində xilasedicilər və həkimlər işləyir.

Faktla bağlı araşdırma aparılır. (report)