Avtomobil mağazaya çırpıldı: 3 ölü, 7 yaralı

Kaliforniyanın Los-Anceles şəhərində avtomobilin baqqal mağazasına çırpılması nəticəsində ən azı üç nəfər ölüb, yeddi nəfər yaralanıb.

Avtosfer.az xəbər verir ki, bu barədə yerli “ABC News” filialı məlumat yayıb. Yaralılar xəstəxanaya yerləşdirilib.

Qəzanın səbəbi hələlik müəyyən edilməyib, lakin ilkin məlumatlara görə, hadisə qəsdən törədilməyib. Nəqliyyat vasitəsinin sürücüsü hadisə yerində qalıb.