Bakıda avtomobil betona çırpılıb, xəsarət alan var - FOTO - VİDEO

Bakı Dairəvi yolunda yol qəzası zamanı sürücü xəsarət alıb.

Avtosfer.az xəbər verir ki, hadisə Bakı-Dairəvi şossesinin Yasamal rayonu ərazisinə düşən hissəsində baş verib.

Belə ki, Mehdi Ağayev idarə etdiyi “Volkswagen” markalı avtomobildə sükana nəzarəti itirib.

Qəfil idarəetmədən çıxan nəqliyyat vasitəsi yol kənarındakı beton arakəsməyə çırpılıb.

Zərbə zamanı sürücü ağır bədən xəsarətləri alaraq xəstəxanaya yerləşdirilib.

Faktla bağlı Baş Dövlət Yol Polis İdarəsinin əməkdaşları araşdırma aparır.

APA