Bakıda avtomobil qadını vuraraq ağır xəsarət yetirib

Bakının Nərimanov rayonunda piyadanın xəsarət alması ilə nəticələnən yol-nəqliyyat hadisəsi baş verib.

Avtosfer.az-ın "Report"a istinadən məlumatına görə, yolu keçən 1967-ci il təvəllüdlü Əliyeva Rəna Qiyas qızını avtomobil vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona açıq kəllə-beyin travması diaqnozu qoyulub.

Hadisənin təfərrüatı araşdırılır.