Bakıda motosiklet “Prius”a çırpıldı, kuryer xəsarət aldı - VİDEO

Bakının hava limanı yolunda nəqliyyat vasitələrinin toqquşmasıyla nəticələnən qəza baş verib.
Avtosfer.az-ın məlumatına görə, hadisə fevralın 5-i saat 20 radələrində qeydə alınıb. Belə ki, “Wolt” kuryer şirkətinə məxsus motosiklet,  77-DS-875 dövlət nömrə nişanlı “Toyota Prius” markalı avtomobilə çırpılıb. İddialara əsasən, qəzaya səbəb “Prius” sürücüsünün anidən yola çıxması olub. Nəticədə avtomobilə dəyən motosiklet yararsız hala düşüb. Həmçinin bayker hadisə zamanı xəsarət alıb. Yaralı xəstəxanaya yerləşdirilib.
Bakı şəhər Dövlət Yol Polisi İdarəsinin bölmə rəisi, polis kapitanı Toğrul Nəsirli Avtosfer.az-a bildirib ki, qəzayla bağlı araşdırmalar davam edir. Həmçinin DİN rəsmisi belə halların baş verməməsi üçün sürücüləri diqqətli olmağa və qayda pozmamağa çağırıb.

Nərmin