Bakının mərkəzində 4 maşın bir-birinə çırpıldı, biri aşdı - VİDEO

Paytaxtın Nərimanov rayonu, Əbdüləzəl Dəmirçizadə ilə Təbriz küçələrinin kəsişməsində (Təhsil Nazirliyinin yaxınlığında) zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza martın 27-də 15:00 radələrində qeydə alınıb. Belə ki, “Toyota Prado” markalı avtomobil, yol kənarında dayanmış 50-EK-421 dövlət nömrə nişanlı “Nissan” markalı, 99-XA-199 dövlət nömrə nişanlı “BMW” markalı, 77-DL-278 dövlət nömrə nişanlı “Nissan” markalı maşınlarla toqquşub. Qəza nəticəsində hər dörd avtomobilə maddi ziyan dəyib. Zərbənin təsirindən “Toyota” aşıb, sürücüsü xəsarət alıb.

Qeyd edək ki, hadisə yerinə təcili tibbi yardım briqadası və DYP əməkdaşları cəlb olunub.

Faktla bağlı araşdırma aparılır. 

Nərmin