Betonqatışdıran mikroavtobusla toqquşdu: 8 ölü, 2-si ağır olmaqla 11 yaralı - VİDEO

Türkiyənin Qaziantep şəhərində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə mayın 6-da İslahiyə rayonunda qeydə alınıb.

Məlumata görə, betonqatışdıran maşını idarəetmədən çıxaraq əks yola keçib və qarşı yoldan gələn sərnişin mikroavtobusu ilə toqquşub.

Zərbənin şiddətindən mikroavtobus deformasiyaya uğrayıb. Nəticədə 8 nəfər ölüb, 2-si ağır olmaqla ümumilikdə 11 nəfər xəsarət alıb. Yaralılar hadisə yerinə cəlb edilən ambulanslarla yaxınlıqdakı xəstəxanalara çatdırılıb.

Bildirilir ki, mikroavtobusda olan sərnişinlərin əkəsriyyəti məktəbli olub.

Faktla bağlı araşdırmalara başlanılıb.

Namiq Musayev