Beyləqanda yük maşını minik avtomobili ilə toqquşub, ölən var - YENİLƏNİB

Beyləqanın İmamverdilər kəndi ərazisində “KamAZ” markalı yük avtomobil ilə “VAZ 2105” markalı minik avtomobili toqquşub.

Avtosfer.az-ın məlumatına görə, hadisə nəticəsində yük avtomobilinin sürücüsü ilə minik avtomobilinin sürücü və sərnişini ölüb.

apa

***

09:20

İmişlidə yük avtomobili ilə “VAZ 2107” markalı avtomobil toqquşub.

Avtosfer.az-ın məlumatına görə, hadisə Bəhrəmtəpə qəsəbəsi ərazisində İmamverdilər körpüsü adlanan yerdə baş verib.

Nəticədə 3 nəfər ölüb.

***

Beyləqanda ağır yol qəzası olub.

Avtosfer.az xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, nazirliyin "112" qaynar telefon xəttinə Beyləqan rayonunun İmamverdilər kəndində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

Məlumatla əlaqədar FHN-in Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunub.

Əməliyyat şəraiti qiymətləndirilərkən müəyyən olunub ki, “VAZ” markalı minik avtomobili və “KamAZ” markalı yük avtomobili toqquşub, 1 nəfər avtomobildə sıxılmış vəziyyətdə qalıb.

Həyata keçirilən tədbirlər nəticəsində 1 nəfərin meyiti “KamAZ” markalı yük avtomobilindən çıxarılaraq aidiyyəti üzrə təhvil verilib.