Biləsuvarda iki avtomobil toqquşdu, ardınca ağaca çırpıldı - VİDEO

Biləsuvar rayonu, Xırmandalı kəndində yol-nəqliyyat hadisəsi baş verib.

Avtosfer.az-ın məlumatına görə, qəza bir neçə gün əvvəl səhər saatlarında İşıqlı küçəsində qeydə alınıb. Belə ki, 42-CX-078 dövlət qeydiyyat nişanlı “VAZ-2107” və 75-BJ-553 dövlət qeydiyyat nişanlı “Hyundai” markalı avtomobillər hərəkətdə olarkən toqquşublar. Toqquşmanın təsirindən hər iki nəqliyyat vasitəsi yol kənarına çıxaraq ağaca çırpılıb.

Hadisə nəticəsində xəsarət alan olmasa da, hər iki avtomobilə maddi ziyan dəyib.

Qəza yerinə polis əməkdaşları cəlb olunub, nəqliyyat vasitələri ərazidən kənarlaşdırılıb.

Faktla bağlı araşdırma aparılır.

Nərmin