“Chevrolet” nəhəng ağaca çırpılıb tüstüləndi - Əraziyə FHN cəlb olundu - VİDEO

Bərdə şəhərində yol-nəqliyyat hadisəsi baş verib.

Avtosfer.az-ın məlumatına görə, qəza martın 12-də günorta saatlarında qeydə alınıb. Belə ki, hərəkətdə olan “Chevrolet” markalı avtomobil idarəetmədən çıxaraq yol kənarındakı ağaca çırpılıb. Şahidlərin iddiasına əsasən qəzaya səbəb yüksək sürət həddi olub. Hadisə zamanı maşın yararsız hala düşüb, sürücü yüngül xəsarətlər alıb. Zərbənin təsirindən nəhəng ağac kökündən qopub.

Qeyd edək ki, hadisə yerinə Fövqəladə Hallar Nazirliyinin Dövlət Yanğından Mühafizə Hissəsinin əməkdaşları cəlb olunub. Qəzadan sonra tüstülənən avtomobil qısa müddətdə zərərsizləşdirilib. 

Faktla bağlı araşdırma aparılır. 

Nərmin