Çuxurdan yayınan sürücü “Lexus”u aşırdı – 3 yaralı var – FOTO - VİDEO

Göranboy rayonunda yol-nəqliyyat hadisəsi baş verib. Avtosfer.az xəbər verir ki, qəza rayonun Zeybə qəsəbəsi ərazisində qeydə alınıb.

Belə ki, hərəkətdə olan “Lexus” markalı yolsuzluq avtomobilinin sürücüsü yolda yaranan çuxura düşməmək üçün manevr edib. Bundan sonra idarəetmədən çıxan nəqliyyat vasitəsi yol kənarındakı ağaca çırpılaraq aşıb.

Qəza nəticəsində 3 nəfər müxtəlif dərəcəli bədən xəsarətləri alıb. Onlardan birinin vəziyyətinin ağır olduğu bildirilir.

Hadisə yerinə dərhal FHN-in Xüsusi Riskli Xilasetmə Xidmətinin xilasediciləri və Yol Polisi əməkdaşları  cəlb ediliblər.

Namiq Musayev