Daha bir ağır qəza, «06», «07» və «Priora» toqquşdu; 1 ölü, 3 yaralı - FOTO+VİDEO

Zaqatala rayonunda zəncirvari yol qəzası baş verib. Hadisə nəticəsində 1 nəfər ölüb, 3 nəfər xəsarət alıb. Hadisə axşam saat 20:00 radələrində Yevlax-Zaqatala-Gürcüstan sərhədi magistral yolunda, Zaqatala şəhərinin girəcəyindəki Tala çayı üzərindəki körpüdə  baş verib. Bir neçə avtomobilin toqquşması nəticəsində, şəxsiyyətləri hələlik məlum olmayan, biri ağır olmaqla 4 nəfər xəsarət alıb. Yaralılar Zaqatala rayon mərkəzi xəstəxanasına aparılıblar. Xəstəxanaya aparılarkən yaralılardan biri yolda keçinib.

Artıq yol qəzasında ölən və yaralananların adları məlum olub. Avtosfer.az "report"a istinadən xəbər verir ki, hadisə Yevlax-Zaqatala-Gürcüstan magistral yolunun, Zaqatala şəhəri ərazisindən keçən hissəsində baş verib. Şəhərin Tala çayı üzərindəki körpüdə Zaqatala rayonu Aşağı Tala kənd sakini Elvin Həsənzadənin idarə etdiyi "Lada-Piriora", Zaqatala şəhər sakini 27 yaşlı Hüseyn Bayramovun idarə etdiyi "VAZ-2106" markalı avtomobil və hələ ki, şəxsiyyəti məlum olmayan sürücünün idarə etdiyi "VAZ-2107" markalı avtomobillər toqquşub. «06»nın sürücüsü Hüseyn Kərimov xəstəxanaya aparılarkən yolda ölüb. "Priora"nın sürücüsü Elvin Həsənzadə Zaqatala Rayon Mərkəzi Xəstəxanasına yerləşdirilib. «07»nin sürücüsü və sərnişinləri, şəhər sakini 25 yaşlı Şükür Səmədov və 29 yaşlı Fərid Ramazanov aldıqları bədən xəsarətləri ilə Travmatologiya şöbəsinə yerləşdiriliblər. Hadisə yerinə hüquq-mühafizə orqanlarının əməkdaşları cəlb olunub.

Faktla bağlı Daxili İşlər Nazirliyinin Baş Dövlət Yol Polisi İdarəsinin İstintaq və təhqiqat bölməsində araşdırma aparılır.

Fotolar "Report"dan götürülüb.