Dəhşətli qəza: Gənc sürücü toy günü “VAZ”ı kanala aşıraraq boğulub öldü - YENİLƏNİB - VİDEO

Yevlaxın Salahlı kəndində ölümlə nəticələnən yol-nəqliyyat hadisəsi baş verib.
Avtosfer.az-ın məlumatına görə, qəza fevralın 4-ü saat 20 radələrində qeydə alınıb. Varvara kənd sakini 1995-ci il təvəllüdlü Tunar Habil oğlu Məmmədov idarə etdiyi 90-NO-034 dövlət nömrə nişanlı “VAZ-21014” markalı avtomobil kanala aşıb. Qəzaya səbəb sürücünün döngədə manevr qaydasını pozması olub. Nəticədə maşın idarəetmədən çıxaraq yol kənarındakı kanala düşüb. Hadisə zamanı sürücü boğularaq ölüb. Həmçinin nəqliyyat vasitəsi sıradan çıxıb.
Baş Dövlət Yol Polisi İdarəsinin inspektoru, polis leytenantı Elvin Hacıyev bildirib ki, mərhumun itkin düşməsi barədə fevralın 4-ü Yevlax rayon Polis Şöbəsinə ərizəylə müraciət olunub. Fevralın 5-i saat 13 radələrində avtomobilin kanala aşması müəyyənləşib.
Qeyd edək ki, faktla bağlı araşdırma davam edir.

Nərmin