Düzgün ara məsafəsi saxlamayan sürücü “Hyundai”la toqquşdu - ANBAAN VİDEO

Paytaxtda baş vermiş yol qəzası anbaan avtomobilin videoregistratoruna düşüb.

Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Belə ki, hərəkətdə olan 77-KE-766 dövlət nömrə nişanlı “BMW” markalı avtomobil, yolda dayanmış 10-KY-649 dövlət nömrə nişanlı “Hyundai” markalı maşınla toqquşub. Kadrdan da göründüyü kimi, “BMW”nin sürücüsü düzgün ara məsafəsi təyin etmədiyi üçün yolda dayanmış maşını qəfil görərək əyləci sıxsa da qəza qaçılmaz olur. Təbii ki, yolun hərəkət hissəsində (müəyyən hallar istisna) dayanmaq qadağandır. Lakin ara məsafəsi saxlamaq istənilən halda təhlükənin qarşısını alır. Əks halda qəzaya gətirib çıxarır.  

Qeyd edək ki, hadisə zamanı hər iki nəqliyyat vasitəsinə maddi ziyan dəyib. 

Nərmin