Əks zolağa çıxan “Chevrolet”, “Qazel” və “DAF”la toqquşdu: 3 nəfər öldü - FOTO

Rusiyanın Tümen əyalətində üç nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə iyunun 15-də “Tümen - Xantı-Mansiysk” avtomagistralının 287-ci kilometrliyində qeydə alınıb.

Məlumata görə, 40 yaşlı Tobolsk sakini, idarə etdiyi “Chevrolet Lacetti” markalı minik avtomobillə, hərəkətdə olan zaman naməlum səbəblərdən yolun əks zolağına çıxıb və öncə qarşıdan gələn “Qazel”lə, daha sonra isə “DAF” markalı yük maşını ilə toqquşub. Zərbənin təsirindən “Chevrolet” və “DAF” yol kənarına düşüblər.

Qəza nəticəsində minik avtomobilinin sürücüsü ilə 2 sərnişini aldıqları xəsarətlərdən hadisə yerində vəfat ediblər.

Faktla bağlı araşdırmalara başlanılıb.

Namiq Musayev