Evin həyətinə dönən maşın “VAZ”la toqquşdu, sərnişin yaralandı - VİDEO

Cəlilabad rayonu Babalı kəndində yol-nəqliyyat hadisəsi baş verib
Avtosfer.az-ın məlumatına görə, qəza aprelin 13-ü günorta saatlarında qeydə alınıb. Belə ki, hərəkətdə olan 15-BU-377 dövlət nömrə nişanlı “VAZ-2107” markalı maşın, “Great Wall” markalı avtomobillə toqquşub. Hadisə şahidlərinin iddiasına görə, qəzaya səbəb “Great Wall” sürücüsünün sürət həddini aşması olub. Nəticədə bir-birinə çırpılan nəqliyyat vasitələri yoldan çıxaraq yararsız hala düşüb. Hadisə zamanı “Great Wall”da olan  qadın sərnişin müxtəlif dərəcəli bədən xəsarətləri alıb. Yaralı Cəlilabad Rayon Mərkəzi Xəstəxanasına yerləşdirilib. 
Qeyd edək ki, faktla bağlı araşdırma davam edir. 

Nərmin