Gəncədə "07" sərnişin avtobusu ilə toqquşub, ölən və xəsarət alanlar var - FOTOLAR

Gəncədə minik avtomobilinin sərnişin avtobusuna çırpılması nəticəsində xəsarət alanların son durumu açıqlanıb.

TƏBİB-dən Avtosfer.az-ın sorğusuna cavab olaraq bildirilib ki, bu gün saat 16:50 radələrində iki nəfər (kişi) Gəncə Şəhər Birləşmiş Xəstəxanasının nəzdində olan Abbas Səhhət adına Xəstəxananın Təcili tibbi yardım şöbəsinə hospitalizasiya olunub.

Qeyd olunub ki, 2004-cü il və 2005-ci il təvəllüdlü şəxslərə sol bazu sümüyünün, qabırğaların və biləyin sınığı diaqnozları təyin olunub və zəruri tibbi xidmətlər göstərilib.

Vəziyyətləri orta ağır qiymətləndirilən pasiyentlərin müalicəsi Cərrahiyyə şöbəsində davam etdirilir.

***

Gəncədə yol-nəqliyyat hadisəsi baş verib. Avtosfer.az-ın APA-ya istinadən məlumatına görə, şəhər ərazisində hərəkətdə olan "Vaz-2107" markalı avtomobil "BakuBus"a məxsus sərnişin avtobusuna çırpılıb. Nəticədə, minik maşınında olan 2006-cı il təvəllüdlü Q.Cabbarov hadisə yerində ölüb, 2 nəfər - 2005-ci il təvəllüdlü R.Quliyev və 2005-ci il təvəllüdlü Ə.Abdullayev xəsarət alaraq xəstəxanaya çatdırılıb. Hadisə yerinə polis əməkdaşları cəlb edilib. Faktla bağlı araşdırma aparılır.