Gəncədə 55 yaşlı qadını minik avtomobili vurub, vəziyyəti ağırdır - FOTO

Gəncədə piyadanın vurulması ilə nəticələnən ağır yol-nəqliyyat hadisəsi baş verib.

Avtosfer.az-ın APA-ya istinadən məlumatına görə hadisə şəhər ərazisində qeydə alınıb.

Şəhər sakini 1969-cu il təvəllüdlü R. Quliyeva yolu qarşı tərəfə keçmək istəyən zaman "Hyundai" markalı minik avtomobili onu vurub.

55 yaşlı qadın xəstəxanaya yerləşdirilib. Ağır kəllə beyin travması alan qadının vəziyyətinin ağır olduğu bildirilir.

Qeyd edək ki, "Hyundai" markalı minik avtomobilinin vurduğu piyda Gəncə şəhər Birləşmiş xəstəxanasının tabeliyində fəaliyyət göstərən 2 saylı uşaq xəstəxanasının tibb bacısıdır.

Hadisə tibb bacısının işə gələn vaxtı baş verib. Faktla bağlı araşdırma aparılır.