Gəncədə avtomobillə moped toqquşub, xəsarət alan var

Gəncədə yol-nəqliyyat hadisəsi baş verib. Avtosfer.az-ın APA-ya istinadən məlumatına görə, hadisə şəhər ərazisində orta məktəbin qarşısında qeydə alınıb. Minik maşınının mopedlə toqquşması nəticəsində mopedin sürücüsü 2005-ci il təvəllüdlü Ə.Əliyev xəsarət alaraq xəstəxanaya yerləşdirilib. Hadisə yerinə DYP əməkdaşları cəlb edilib. Faktla bağlı araşdırma aparılır.