Gəncədə məktəblini maşın vurub

Gəncə şəhərində yolu keçmək istəyən piyadanı maşın vurub.  Avtosfer.az xəbər verir ki, hadisə şəhərin Nəriman Nərimanov prospektində qeydə alınıb. Şəhər sakini, 2001-ci il təvəllüdlü Rəsul Əsgərzadə yolu keçmək istəyərkən hələ markası məlum olmayan avtomobil tərəfindən vurulub. Sürücü yaralını dərhal Gəncə şəhər Təcili Tibbi Yardım xəstəxanasına çatdırıb. Ona sol bud sümüyünün sınığı diaqnozu qoyulub. Vəziyyətinin orta ağır olduğu bildirilir.

Faktla bağlı Gəncə şəhər Baş Polis İdarəsində araşdırma aparılır.