Goranboyda avtomobil piyadanı vuraraq aşıb

Goranboyda yol nəqliyyat hadisəsi baş verib. Avtosfer.az-ın məlumatına görə, rayon ərazisində "Opel" markalı minik maşını yolu keçmək istəyən 1986-cı il təvəllüdlü A.Əliyevi vurub. Daha sonra maşın idarəetmədən çıxaraq yolun kənarındakı su arxına aşıb. Xəsarət alan piyada xəstəxanaya yerləşdirilib. Fakt araşdırılır.

***

15.10.2025-ci il tarixində saat 18:40 radələrində Goranboy rayonu ərazisində baş verən yol-nəqliyyat hadisəsi nəticəsində 1986-cı il təvəllüdlü (kişi) şəxs Goranboy Rayon Mərkəzi Xəstəxanasına hospitalizasiya olunub. TƏBİB-dən bildirilib ki, ona sağ göz yuvasının hematoması, sol çiyin sümüyünün və  sol baldır nahiyəsinin sınığı  diaqnozu təyin olunub. Hazırda müalicəsi Təcili tibbi yardım şöbəsində davam etdirilir. Vəziyyəti kafi olaraq qiymətləndirilir.