Goranboyda iki minik maşını toqquşub, xəsarət alan var

Goranboyda xəsarətlə nəticələnən yol-nəqliyyat hadisəsi baş verib.

Avtosfer.az-ın "Unikal"a istinadən məlumatına görə. hadisə rayonun Tap Qaraqoyunlu kəndində qeydə alınıb. Belə ki, 1955-ci il təvəllüdlü  kənd sakini İman Quliyevin  idarə etdiyi "VAZ'-2106 markalı avtomobillə, 1991-ci il təvəllüdlü Bəhruz Rüstəmovun idarə etdiyi "Lada Priora" markalı avtomobil toqquşub. Qəza zamanı  "Lada Priora"nın sərnişini, Tap Qaraqoyunlu kənd sakini, 1956-cı il təvəllüdlü F. Sarıyeva xəsarət alıb.

Xəsarət alan qadın xəstəxanaya yerləşdirilib. Hadisə yerinə DYP əməkdaşları cəlb olunub.

Faktla bağlı araşdırma aparılır.