Goranboyda qarlı hava qəzaya səbəb olub - FOTO

Goranboyda yol-nəqliyyat hadisəsi baş verib. Avtosfer.az-ın APA-ya istinadən məlumatına görə, hadisə Qazanbulaq kəndi yaxınlığında qeydə alınıb. Kəlbəcər rayon sakini, 1978-ci il təvəllüdlü E. Əliyevin idarə etdiyi "2107" markalı avtomobil Goranboy şəhər sakini, 1990-cı il təvəllüdlü Z. Əşrəfzadənin idarə etdiyi “Mazda” markalı minik maşını ilə toqquşub. Qəza zamanı xəsarət alan olmasa da, avtomobillərə ciddi ziyan dəyib. Qeyd edək ki, hadisə yolun qarlı olması səbəbindən baş verib. Hazırda hadisə yerinə polis əməkdaşları cəlb edilib. Faktla bağlı araşdırma aparılır