Göyçayda avtomobil əsgər anasını vurub öldürdü

Göyçayda ağır yol-nəqliyyat hadisəsi baş verib.

DİN-in mətbuat xidmətinin Şəki regional qrupundan Avtosfer.az-a bildirilib ki, fevralın 11-i saat 19 radələrində Göyçay rayonunun Cəyirli kəndi ərazisində Famil Atakişiyev idarə etdiyi “VAZ-2107” markalı avtomobil ilə yolu keçən piyada, 1983-cü il təvəllüdlü Göyçək İsgəndərovanı vurub.

Piyada aldığı xəsarətlərdən ölüb.

Faktla bağlı cinayət işi başlanıb, istintaq aparılır.

***

Göyçay rayonunda ölümlə nəticələnən yol qəzası baş verib.

"Unikal"ın əldə etdiyi məlumata görə, hadisə bu gün saat 18:00 radələrində baş verib. Belə ki, Göyçay-Bərgüşad yolunda "VAZ 2107" markalı minik avtomobili yolu keçən piyada Qaraxıdır kənd sakini 42 yaşlı Göyçək İsgəndərovanı vurub. Qadın hadisə yerində dünyasını dəyişib.

Qeyd edək ki, dünyasını dəyişən qadının oğlu hazırda hərbi xidmətdədir.

Faktla bağlı araşdırma aparılır.