Göyçayda avtomobil piyadanı vuraraq öldürüb - FOTO - YENİLƏNİB

Göyçayda piyadanın ölümü ilə nəticələnən qəzanın yeni detalları məlum olub.

Avtosfer.az oxu.az-a istinadən xəbər verir ki, dünən saat 22 radələrində Göyçay şəhəri ərazisində Yasin Yaqubov idarə etdiyi VAZ markalı avtomobillə yolu keçən piyada, 1989-cu il təvəllüdlü Elman Hüseynovu vurub.

Piyada zərbənin təsirindən yolun əks istiqamətinə yıxılıb və hərəkətdə olan "Opel" markalı avtomobil onun üzərindən keçib.

E.Hüseynov aldığı xəsarətlərdən xəstəxanada ölüb.

***18 may, 23:40

Göyçayda piyadanın ölümü ilə nəticələnən yol-nəqliyyat hadisəsi baş verib.

Avtosfer.az-ın "APA"ya istinadən xəbərinə görə, hadisə şəhər ərazisində qeydə alınıb.

Sürücü Yasin Yaqubovun idarə etdiyi “VAZ-2106” markalı avtomobil piyada, 1989-cu il təvəllüdlü Elman Hüseynovu vurub.

Piyada xəstəxanaya çatdırılıb. Lakin aldığı ağır xəsarətlərdən xəstəxanada ölüb.

Faktla bağlı Göyçay Rayon Polis Şöbəsində cinayət işi başlanılıb, istintaq aparılır.