Hindistanda ağır yol qəzasında 12 nəfər ölüb

Hindistanda ağır yol qəzasında 12 nəfər ölüb.

“Report” xəbər verir ki, bu barədə “Press Trust of India” xəbər agentliyi polis nümayəndəsinə istinadən məlumat yayıb.

Belə ki, Madhya Pradeş ştatının Quna rayonunda avtobus yük maşını ilə toqquşub. Qəzadan sonra avtobusda yanğın başlayıb.

Nəticədə azı 12 nəfər ölüb, 14 nəfər yaralanıb. Ağır yanıq xəsarətləri alanlar Güna rayon xəstəxanasına yerləşdirilib.

Faktla bağlı araşdırma aparılır.