Hövsanda baş vermiş zəncirvari qəza anbaan kameraya düşdü - VİDEO

Suraxanı rayonu Hövsan qəsəbəsində baş vermiş zəncirvari qəza anbaan kameraya düşüb.
Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Videodan göründüyü kimi, “Nissan” markalı maşının sürücüsü qəzaya səbəb olub. Belə ki, o, əks zolaqda hərəkətdə olan  “BMW” markalı avtomobilə məhəl qoymadan sola dönməyə cəhd edib. Bu zaman yaranmış qəza təhlükəsini dəf etmək üçün “BMW”nin sürücüsü sola manevr edib. Lakin yenə də qəzadan yayına bilməyib. Nəticədə o, öncə qayda pozan avtomobilə, sonra isə park edilmiş “Mercedes”ə dəyib.  
Qeyd edək ki, dönmə əməliyyatı edən sürücü öncə yolu nəzərdən keçirməli və dönmək istədiyi zolaqda hər hansı bir  nəqliyyat vasitəsi varsa onu gözləməlidir. Əks halda qəza qaçılmaz olur. 

Nərmin