Hövsanda minik avtomobili beton dayağa çırpıldı - VİDEO - YENİLƏNİB

“Sözügedən hadisə bu gün səhər saat 06:00-da paytaxtın Suraxanı rayonu Hövsan qəsəbəsində qeydə alınıb”.

Bu barədə oxu.az-ın sorğusuna cavab olaraq Bakı Şəhər Dövlət Yol Polisi İdarəsinin Təbliğat və ictimai işlər üzrə rəisi, polis kapitanı Toğrul Nəsirli məlumat verib.

O bildirib ki, videogörüntülərdə görünən “Volkswagen” markalı 99-NC-218 dövlət nömrə nişanlı nəqliyyat vasitəsinin sürücüsü idarəetməni itirərək beton maneəyə çırpılıb:

“Hadisə nəticəsində sürücü yüngül bədən xəsarətləri alıb. Faktla bağlı araşdırma aparılır”.

***

Suraxanı rayonu, Hövsan qəsəbəsinə gedən yolda avtomobil qəzası baş verib. 

Avtosfer.az xəbər verir ki, hadisənin görüntüsü sosial şəbəkələrdə paylaşılıb. 

Belə ki, qəza zamanı “Volkswagen” markalı 99-NC-218 dövlət nömrə nişanlı nəqliyyat vasitəsi yerüstü keçidin beton dayağına çırpılıb və yararsız hala düşüb. 

Yol-nəqliyyat hadisəsinin hansı səbəbdən baş verdiyi məlum deyil. 

Həmin görüntüləri təqdim edirik: