“Hyundai”la toqquşan “VAZ” tanınmaz hala düşdü, sürücü öldü - VİDEO

Ələt-Astara yolunun 57-ci kilometrliyində ağır yol-nəqliyyat hadisəsi baş verib.
Avtosfer.az-ın məlumatına görə, qəza fevralın 13-ü  saat 17:15 radələrində qeydə alınıb.

Belə ki, hərəkətdə olan 90-KP-244 dövlət nömrə nişanlı “Hyundai” markalı avtomobil, 44-BH-140 dövlət nömrə nişanlı “VAZ-2106” markalı maşınla toqquşub.

İddiaya əsasən, qəzaya səbəb yüksək sürət olub.

Nəticədə bir-birinə çırpılan nəqliyyat vasitələri yararsız hala düşüb. Həmçinin hadisə zamanı “VAZ” sürücüsü ağır xəsarət alaraq xəstəxanaya yerləşdirilsə də, həyatını xilas etmək mümkün olmayıb.

Qeyd edək ki, Baş Dövlət Yol Polisi İdarəsinin inspektoru, polis leytenantı Elvin Hacıyev Avtosfer.az-a məlumat verib.

O bildirib ki, qəzayla bağlı araşdırmalar davam edir.

Nərmin