İzmirdə ağır qəza: Minik avtomobili TIR-a çırpıldı, sürücü öldü

İzmirin Torbalı rayonunda minik avtomobili hərəkətdə olan TIR-ın qoşqusuna arxadan çırpılıb.

Avtosfer.az HaberGlobal-a istinadla xəbər verir ki,  qəza İzmir-Aydın avtomobil yolunun Özbəy ərazisində baş verib. M.Ç.-nin idarə etdiyi avtomobil eyni istiqamətdə hərəkətdə olan TIR-ın qoşqusuna çırpılıb. Hadisə yerinə jandarma və təcili tibbi yardım əməkdaşları göndərilib.

Həkimlərin müayinəsi zamanı 19 yaşlı sürücünün hadisə yerində öldüyü müəyyən edilib. Qəza ilə bağlı araşdırma başlanılıb.