İçərisində uşaqların da olduğu qayıq çevrildi: 29 nəfər öldü

Nigeriyada qayığın batması nəticəsində 29 nəfər həlak olub. 

Lent.az-ın xarici KİV-ə istinadən məlumatına görə, hadisə Badau qəsəbəsindən təxminən 5 km məsafədə yerləşən Baqvay şəhərinə gedərkən baş verib.

Məlumata görə, qayıq həddindən artıq yükləndiyi üçün çevrilib. Ölənlər arasında uşaqların da olduğu bildirilir. Cəmi 7 nəfər xilas olunub.