İdarəetmədən çıxan “KIA” yol nişanlarını qıra-qıra işıq dirəyinə çırpıldı - VİDEO

Qəbələ rayonu Soltannuxa kəndində yol qəzası baş verib.
Avtosfer.az-ın məlumatına görə, hadisə yanvarın 14-ü axşam saatlarında qeydə alınıb. Belə ki, hərəkətdə olan “KIA Ceed” markalı avtomobil yoldan çıxaraq qəzaya uğrayıb. İddialara əsasən, qəzaya səbəb yüksək sürət həddi olub. Nəticədə idarəetmədən çıxan maşın yoldan çıxaraq işıq dirəyinə çırpılıb. Qəza zamanı sürücü yüngül xəsarət alıb və nəqliyyat vasitəsinə ziyan dəyib. Həmçinin yaranmış vəziyyətlə bağlı yolda nəqliyyat vasitələrinin hərəkəti məhdudlaşdırılıb.
Qeyd edək ki, hadisə yerinə DYP əməkdaşları cəlb olunub. Faktla bağlı araşdırma aparılır.

Nərmin