İsmayıllıda baş verən dəhşətli qəzada zaqatalalı müəllim həlak oldu - FOTO - VİDEO

İsmayıllıda baş verən yol-nəqliyyat hadisəsi zamanı vəfat edən qadın müəllim olub. 

Lent.az-ın məlumatına görə, qəza zamanı həlak olan Nigar Bayramova Zaqataladandır. 

O, orta məktəb müəllimi olub. 

***

Fevralın 22-i saat 18 radələrində İsmayıllı rayonunun Xanagah kəndi ərazisində “MAZ” markalı yük avtomobili ilə “Azsamand” markalı minik avtomobili toqquşub.

DİN-in mətbuat xidmətinin Şəki regional qrupundan Avtosfer.az-a bildirilib ki hadisə nəticəsində minik avtomobilindəki sərnişin, 34 yaşlı Nigar Bayramova aldığı xəsarətlərdən vəfat edib.

Araşdırma aparılır.

***

İsmayıllıda avtomobil qəzası baş verib.

İlkin məlumata əsasən, hadisə İsmayıllının Xanagah kəndində qeydə alınıb. Hadisə nəticəsində bir nəfərin dünyasını dəyişdiyi, bir nəfərində ağır yaralandığı bildirilir.

DİN-in mətbuat xidmətinin Şəki regional qrupundan bildirilib ki, minik avtomobilində olan sərnişinin ölümü ilə nəticələnən yol-nəqliyyat hadisəsi ilə bağlı araşdırma aparılır. (apa)