Kəlbəcərdə çaya aşan maşının sürücüsü tapılmır - FOTO - VİDEO

Dünən Kəlbəcər rayonunda baş vermiş yol-nəqliyyat hadisəsi zamanı öldüyü bildirilən sürücünün meyidi tapılmayıb. Avtosfer.az-ın əldə etdiyi məlumata görə, hazırda bu istiqamətdə axtarışlar davam edir. Faktı Avtosfer.az-a Daxili İşlər Nazirliyinin Gəncə regional qrupundan təsdiqlədilər. Bildirildi ki, xilasedici qruplar axtarış tədbirlərini davam etdirir. 

Qeyd edək ki, hadisə dünən saat 1 radələrində rayonun Comərt kəndində yük maşını çaya aşıb.

Şirvan şəhər sakini 1981-ci il təvəllüdlü Rəhim Şahbazov "Howo" markalı yük avtomobili ilə hərəkətdə olan zaman idarəetməni itirib.

Nəticədə sürücüsü və onun sərnişini, 1998-ci il təvəllüdlü Göyçay rayon sakini Bəhrəm Sadıqov hadisə yerinədə ölüblər.

Bir nəfər sərnişin isə xəsarət alıb. 

Hadisə yerinə Kəlbəcər rayon polis şöbəsinin əməkdaşları cəlb olunub.