"Koroğlu"da qəza: 136 nömrəli avtobus “Hyundai”a girdi - VİDEO

Bakının Koroğlu metrostansiyası yaxınlığında yol-nəqliyyat hadisəsi baş verib.
Avtosfer.az-ın məlumatına görə, qəza martın 4-ü saat 13:46 radələrində qeydə alınıb. Belə ki, 136 nömrəli marşrut xətti üzrə hərəkət edən sərnişin avtobusu “Hyundai” markalı avtomobillə toqquşub. İddialara əsasən, qəzaya səbəb avtobus sürücüsünün sürət həddini aşması olub. Nəticədə o öndəki avtomobilə çırpılıb. Hadisə zamanı hər iki nəqliyyat vasitəsi sıradan çıxıb. Sürücü və sərnişinlər arasında xəsarət alan olmayıb.
Qeyd edək ki, hadisə yerinə polis əməkdaşları cəlb olunub. Faktla bağlı araşdırma aparılır.

Nərmin