Kürdəmirdə “07" və "Chevrolet" TOQQUŞDU: Ölən və xəsarət alan var - FOTO

Kürdəmirdə baş verən yol qəzasında ölən və xəsarət alan şəxsin kimliyi məlum olub.

Avtosfer.az "Report"a istinadən xəbər verir ki, ölən şəxs Pirli kənd sakini sürücü Kərimov Rafiq Musa oğlu, xəsarət alan isə onun oğlu Kərimov Xəyal Rafiq oğludur.

Qeyd edək ki, Ağsu-İmişli-Kürdəmir yolunun Kürdəmirin Sorsor kəndi ərazisindən keçən hissəsində "VAZ-2107" markalı maşınla "Chevrolet" markalı maşın toqquşub.

***

Kürdəmir rayonunda ağır yol qəzası baş verib.

Hadisə Ağsu-İmişli-Kürdəmir yolunun Sorsor kəndi ərazisindən keçən hissəsində qeydə alınıb.

Belə ki, "VAZ-2107" markalı maşınla "Chevrolet" markalı maşın toqquşub. Nəticədə "VAZ"da olan sürücü hadisə yerindəcə həyatını itirib. Digər yaralı isə təcili tibbi yardım maşınının köməyilə Kürdəmir Rayon Mərkəzi Xəstəxanasına çatdırılıb. O, həkim nəzarətinə götürülüb.

Faktla bağlı araşdırma aparılır.