Kürdəmirdə ağır qəza: Özbəkistan vətəndaşları yaralandı

Kürdəmirdə ağır qəza olub. Avtosfer.az "Bizim Media"ya istinadən xəbər verir ki, hadisə Bakı-Qazax əsas magistral yolunun rayonun Xırdapay kəndi ərazisindən keçən hissəsində qeydə alınıb. Belə ki Renault markalı avtomobilin sürücüsü Anar Mustafayev həmin yolda hərəkətdə olarkən qəfildən idarəetməni itirib və avtomobil yoldan çıxaraq aşıb. Nəticədə avtomobildə olan Özbəkistan vətəndaşları Hüseynov Abbasəli Rəhimoviç və Hüseynova Olima Jurabekovna müxtəlif dərəcəli bədən xəsarətləri alıblar. Yaralılar dərhal təcili tibbi yardım maşınının köməyi ilə Kürdəmir rayon Mərkəzi Xəstəxanasına aparılıb və həkim nəzarətinə götürülüb. 
Faktla bağlı araşdırma aparılır.