Kürdəmirdə “Kamaz” “Mercedes”ə çırpıldı - FOTO

Kürdəmirdə avtomobil qəzası baş verib.
Avtosfer.az "Bizim.Media"ya istinadən xəbər verir ki, hadisə Bakı-Qazax yolunun rayonun Xırdapay kəndindən keçən hissəsində qeydə alınıb.
Belə ki, “Kamaz” markalı qoşqulu yük maşını qarşısında hərəkətdə olan “Mercedes” markalı avtomobilə çırpılıb.
Nəticədə “Mercedes” yoldan çıxaraq yol kənarına düşüb.
Qəza zamanı xəsarət alan olmasa da avtomobilə ciddi ziyan dəyib.

Hazırda fakt araşdırılır.