Macarıstanda mühacirləri daşıyan avtomobil qəzaya uğrayıb, 7 nəfər ölüb

Serbiya məxsus olan və Macarıstanda mühacirləri daşıyan avtomobilin evə çarpılması nəticəsində 7 nəfər ölüb, 4 nəfər yaralanıb.

Avtosfer.az xəbər verir ki, bunu Macarıstan rəsmiləri bildirib.

Hadisə ölkənin Serbiya ilə sərhədyanı bölgəsində baş verib.

Qəza zamanı avtomobilin sürücüsü də xəsarət alıb. Polis kimliyi açıqlanmayan həmin şəxsi saxlayıb. Onun barəsində Cinayət Məcəlləsinin insan alveri, həmçinin ölümlə nəticələnən qəza törətmək maddələri ilə cinayət işi açılıb.

“Report”