Masallıda 61 yaşlı qadın yol qəzasında ağır xəsarət alıb

Masallı rayonunda ağır xəsarətlə nəticələnən yol-nəqliyyat hadisəsi baş verib.

"Report"un məlumatına görə, minik və yük avtomobilləri toqquşub. Hadisə zamanı minik avtomobilində olan sərnişin, 1962-ci il təvəllüdlü Məmiyeva Aidə Məmməd qızı xəsarət alıb.

Yaralı təcili tibbi yardımın köməkliyi ilə Bakıda yerləşən xəstəxanaların birinə gətirilib. Müayinə zamanı ona bel fəqərəsinin sınığı diaqnozu qoyulub.

Faktla bağlı araşdırma aparılır.