Maştağada bahalı “Mercedes” yoldan çıxaraq dərəyə aşdı - VİDEO

Sabunçu rayonu Maştağa yolunda yol-nəqliyyat hadisəsi qeydə alınıb.
Avtosfer.az-ın məlumatına görə, qəza fevralın 22-si axşam saatlarında baş verib. Belə ki, hərəkətdə olan 77-YC-046 dövlət nömrə nişanlı “Mercedes” markalı avtomobil yoldan çıxaraq qəzaya uğrayıb. İddialara əsasən, qəzaya səbəb yüksək sürət həddi olub. Nəticədə idarəetməni itirən sürücü maşını dərəyə aşırıb. Hadisə nəticəsində sürücü xəsarət almasa da nəqliyyat vasitəsinə maddi ziyan dəyib.
Qeyd edək ki, hadisə yerinə cəlb olunan evakuasiya xidməti qəzalı avtomobili ərazidən götürüb.

Nərmin