“Mercedes”lə “Hyundai” toqquşdu, sürücü və sərnişin ağır yaralandı - VİDEO

Şəki-Qax yolunda xəsarətlə nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza fevralın 5-i səhər saatlarında qeydə alınlb.

Belə ki, hərəkətdə olan 90-RN-614 dövlət nömrə nişanlı “Mercedes” markalı maşın, 77-KG-203 dövlət nömrə nişanlı “Hyundai” markalı avtomobillə toqquşub.

İddialara əsasən, qəzaya səbəb yüksək sürət həddi olub. Nəticədə bir-birinə çırpılan nəqliyyat vasitələri yararsız hala düşüb.

Həmçinin hadisə zamanı “Mercedes”də olan iki nəfər - 1995-ci il təvəllüdlü Samir Şamil oğlu İsmayılov və 1949-cu il təvəllüdli Çingiz Kamal oğlu Səmədov aldığı bədən xəsarətləri ilə Şəki Rayon Mərkəzi Xəstəxanasına yerləşdiriliblər.

DİN-in mətbuat xidmətinin Şəki regional qrupunun baş inspektoru Mahir Məsimov Avtosfer.az-a bildirib ki, hadisəylə bağlı Şəki Şəhər-Rayon Polis Şöbəsində araşdırma aparılır.

Nərmin